लुम्बिनीमा सार्कका महासचिव विराकुनले गरे एक रुपैयाँ सहयोग - फरक सन्देश-Pharak Sandesh-फरक सन्देश

मुख्य समाचार

Monday, 16 November 2020

लुम्बिनीमा सार्कका महासचिव विराकुनले गरे एक रुपैयाँ सहयोग


भैरहवा, १ मङ्सिर :
बुद्धको जन्मस्थल लुम्बिनीमा निर्माणाधिन ‘सेन्चुरी फर युनिभर्सल पिस’ नामक गुम्बा निर्माणको लागि दक्षिण एसियाली क्षेत्रीय सहयोग संगठन (सार्क)का महासचिव इसाला रुवान विराकुनले नेपाली एक रुपैयाँ दिएर अभियानको सुरुवात गर्नुभएको छ । गुम्बा निर्माणका लागि लुम्बनीमा पुगेर महासचिव विराकुनले एक रुपैयाँ सहयोग हस्तान्तरण गर्नुभएको हो ।

लुम्बिनीमा शनिबार आयोजित सार्वभौमिक शान्तिका लागि ‘एक रुपैयाँ’ दिन अभियान कार्यक्रममा सार्कका महासचिव विराकुनले बुद्धको जन्मभूमिमा निर्माण भइरहेको सेन्चुरी फर युनिभर्सल पिसले विश्वभरिका शान्तिप्रेमीहरुको लागि भएकोले यस अभियानमा सहभागी हुन सबैलाई आहवान गर्नुभयो ।

विश्वभरका शान्तिप्रेमी बौद्ध धर्मावलम्बी लगायत अन्य धर्म र संस्कृतिसँग सम्बन्धित साधकहरुले समेत साधना गर्ने स्थलको रुपमा दुई वर्ष अघिबाट लुम्बिनीमा उक्त गुम्बाको निर्माण भइरहेको छ ।

धर्म गुरु श्याल्पा तेन्जिङ रिन्पोछे शान्तिका अग्रदुत गौतम बुद्धको जन्मस्थल लुम्बिनीलाई विश्व शान्तिको अभियानको केन्द्रको रुपमा विकास गर्न सेन्चुरी फर युनिभर्सल पिस निर्माण गर्न लागिएको बताउनुभयो । उहाँले एक रुपैयाँ सहयोग गरेर अभियानको सुरुवात गरिदिनु भएकोमा सार्कका महासचिव विराकुनलाई धन्यवाद दिनुभयो ।

युनिर्भर्सल पिस सेन्टर निर्माण गर्नको लागि ‘एक व्यक्ति एक रुपैयाँ’को अभियान अगाडि सारिएको छ । बुद्धको शिक्षा अनुसार यही मनोवृत्तिले शान्ति, सद्भाव र सहिष्णुता बढाउने विश्वास व्यक्त गर्दै रिन्पोछेले मुठ्ठी दानको अवधारणाबाट यो अभियानको सुरुवात गरिएको बताउनुभयो । दिपावलीको अवसर पारेर सुरु गरिएको अभियानमा नेपालमा १ रुपैयाँ बाहिर मुलुकहरुमा १ युएस डलर दान गरेर सहभागी हुन सकिने उहाँले जानकारी दिनुभयो ।

लुम्बिनीमा शनिबार सम्पन्न भएको सार्वभौमिक शान्तिका लागि ‘एक रुपैयाँ’ दिन अभियान कार्यक्रममा सार्कका महासचिव विराकुन र श्रीलंकाका मेडम कृशन्तीका साथै श्रीलंकन बिहारका धर्मगुरुको सहभागीता रहेका थियो ।

स्यान्क्चुरीको बाहिरी संरचनाले फक्रदै गरेको कमलको फूललाई प्रतिनिधित्व गर्नेछ । त्यसैगरी स्यान्क्युरीको हल वा कक्षको मुख्य आकर्षणको केन्द्र सालको वृक्षमुनि मायादेवीको कोखबाट जन्मदै गर्नुभएको भगवान बुद्धको एउटा विशाल, सुन्दर र सबैको मुन छुने मुर्ति राखिने गरी डिजाइन गरिएको छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.