उपत्यकामा ८०७ मा सङ्क्रमणको पुष्टि - फरक सन्देश-Pharak Sandesh-फरक सन्देश

मुख्य समाचार

Sunday, 15 November 2020

उपत्यकामा ८०७ मा सङ्क्रमणको पुष्टि


काठमाडौं, ३० कात्तिक :
काठमाडौं उपत्यकामा पछिल्लो चौबीस घण्टामा कोरोनाभाइरसका ८०७ जना सङ्क्रमित थपिएका छन् । मन्त्रालयका अनुसार पछिल्लो चौबीस घण्टामा छ हजार ४७६ जनाको आरटीपीसीआर परीक्षण गरिएको छ ।

मन्त्रालयले कोभिड १९ सम्बन्धी बिवरण अद्यावधिक गर्दै उपत्यकाका तीन जिल्ला काठमाडौं, ललितपुर र भक्तपुरमा गरी ८०७ जना नयाँ सङ्क्रमित पहिचान गरिएको जनाएको छ । मन्त्रालयले थपिएका सङ्क्रमितमध्ये ३५२ जना महिला र ४५५ जना पुरुष रहेको उल्लेख गरेको छ । पछिल्लो चौबीस घण्टामा देशैभरि एक हजार ४७७ सङ्क्रमित थपिएका छन् । दुई हजार ७९८ सङ्क्रमित निको भएर घर फर्केका छन् ।

मन्त्रालयका अनुसार हाल काठमाडौंमा १५ हजार २३७, ललितपुरमा दुई हजार ३१५ र भक्तपुरमा एक हजार २५२ जनामा भाइरसको सङ्क्रमण सक्रिय रहेको छ । काठमाडाँैंमा हालसम्म २९९, ललितपुरमा ८४ र भक्तपुरमा ७६ जनाको मृत्यु भएको छ । काठमाडौंमा हाल ११ हजार ३२८, ललितपुरमा एक हजार ९५९ र भक्तपुरमा एक हजार २८ जना होम आइसोलेशनमा छन् ।

मन्त्रालयले काठमाडौंमा ६२ हजार ७४१, ललितपुरमा आठ हजार ८९६ र भक्तपुरमा पाँच हजार ७५८ जना सङ्क्रमित सङ्क्रमणमुक्त भएको जनाएको छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.