कोरोना सङ्क्रमित गर्भवतीको सफल उपचार - फरक सन्देश-Pharak Sandesh-फरक सन्देश

मुख्य समाचार

Friday, 13 November 2020

कोरोना सङ्क्रमित गर्भवतीको सफल उपचार


काठमाडौँ, २८ कात्तिक :
परोपकार प्रसूति तथा स्त्रीरोग अस्पतालले हालसम्म १०४ जना कोरोना भाइरस (कोभिड–१९)को सङ्क्रमण पुष्टि भएका महिलालाई सफल प्रसूति तथा स्त्रीरोगको उपचार गरेको छ ।अस्पतालका निर्देशक डा. सङ्गीता कौसल मिश्राले स्वास्थ्य सेवा तथा प्रसूतिका लागि अस्पताल आएका कोरोना पुष्टि भएका १०४ जनामध्ये २७ को सफल शल्यक्रियामार्फत र ४० जनालाई सामान्य हिसाबले प्रसूति सेवा दिइएको जानकारी दिनुभयो ।

त्यसैगरी ३७ जनामा स्त्रीरोगसम्बन्धी सेवा प्रदान गरिएको छ । प्रसूति तथा स्त्रीरोगलगायत सेवा लिन आएका सेवाग्राहीलाई कोरोना भाइरस पुष्टि भइहाले पनि सोही अस्पतालमै कोरोना उपचारसँगै अन्य आवश्यक सेवा प्रदान गर्न अस्पतालमै कोरोना परीक्षण ल्याब र अलग्गै आइसोलेसन भवनको व्यवस्था गरिएको निर्देशक मिश्राले जानकारी दिनुभयो । विश्वव्यापी महामारी कोरोना सङ्क्रमण नेपालमा पनि फैलिन थालेपछि सेवा लिन आएका बिरामीलाई अस्पतालमै सेवा प्रदान गर्ने लक्ष्यले अस्पताल भवनलाई आइसोलेन बनाइएको उहाँले बताउनुभयो ।

कोरोना सङ्क्रमण नफैलियोस् भन्ने उद्देश्यले अस्पतालमा नियमित गर्भवती जाँच गरिरहेकाबाहेक आकस्मिक सेवा लिन पुग्ने गर्भवतीलाई पहिला आइसोलेसनमा राखेर कोरोना परीक्षणपछि रिपोर्टका आधारमा मात्र सेवा प्रदान गरिँदै आएको छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.