मैत्री फुटबलमा बंगलादेशसँग नेपाल २–० ले पराजित - फरक सन्देश-Pharak Sandesh-फरक सन्देश

मुख्य समाचार

Saturday, 14 November 2020

मैत्री फुटबलमा बंगलादेशसँग नेपाल २–० ले पराजित


काठमाडौँ, २९ कात्तिक :
मोहम्मद नविव नवाज जिवन र महबुबुर रहमानले गोल गरेपछि घरेलु टिम बङ्गलादेशले शुक्रबार पहिलो मैत्री अन्तर्राष्ट्रिय फुटबल खेलमा नेपाललाई २–० ले पराजित गरेको छ । बङ्गलादेशसँग नेपाल पाँच वर्षपछि पराजित भएको हो ।

ढाकास्थिति बङ्गबन्धु रङ्गशालामा दर्शकको उपस्थितिबीच खेलिएको खेलको नौ मिनेटमा बङ्गलादेशले अग्रता बनायो । मैदानको दायाँ भागबाट साद उडिनले दुई डिफेन्डरलाई झुक्याएर मिलाइदिएको ‘लो क्रस’मा सानो डिबक्समा रहेका नविद जीवनले बललाई गोलपोष्टमा छिराउनुभयो । खेलको ७८ औँ मिनेटमा प्रत्याक्रमणमा बङ्गलादेशले अग्रता दोब्बर पार्यो । स्थानापन्न खेलाडी महबुर रहमानले मैदानको बायाँ भागमा तेज गतिद्वारा नेपालका डिफेन्डरद्वय अजित भण्डारी र अनन्त तामाङलाई पनि पछाडि पारेर बल डिबक्समा लग्दै सटिक प्रहारमार्फत् गोल गर्नुसभयो । सो गोलपछि नेपालको खेलमा फर्किने सम्भावना लगभग समाप्त भयो ।

यस नतिजासँगै नेपाल दुई खेलको शृङ्खलामा पछाडि परेको छ । नेपाल र बङ्गलादेशबीच मङ्गलबार बङ्गबन्धु रङ्गशालामा नै दोस्रो अन्तर्राष्ट्रिय मैत्री खेल हुनेछ । बङ्गलादेशले नेपाललाई हराएको यो १३ औँ पटक हो । अहिलेसम्म भएका २० भिडन्तमा नेपालले मात्र छ खेल जितेको छ । एक खेल बराबरीमा सकिएको थियो । यद्यपि सन् २०१५ मा बङ्गबन्धु रङ्गशालामा नै भएको मैत्री खेलमा १–० ले हारेपछि नेपालको बङ्गलादेशविरुद्ध यो पहिलो पराजय भएको छ । सो हारपछि नेपाल लगातार बङ्गलादेशविरुद्ध हावी बन्दै आएको क्रम पनि आजको खेलपछि टुङ्गिएको छ ।

सुरुआतमै गोल वेहोरेपछि नेपालले गोल फर्काउने प्रयासमा बलमाथि तुलनात्मक रुपमा बढी नियन्त्रण बनाएको थियो । नेपालले पटकपटक छोटोछोटो पासमार्फत राम्रो मुभ पनि बनायो । तर एक वर्षपछि मैदानमा फर्केको नेपाली राष्ट्रिय टिमको प्रदर्शन स्वभाविक हुन सकेन । नेपालले प्रत्येक पटक अन्तिम लक्ष्य भेद्ने बेला निराश पार्यो । विशेषत पूर्वाद्र्धमा नेपालले ‘सेटपिस’मा बङ्गलादेशको गोलपोस्टमा आक्रमण गर्ने धेरै मौका पाएको थियो । नेपालका लागि पूर्वाद्र्धमा एक्ला स्ट्राइकर नवयुग श्रेष्ठ, सुजल श्रेष्ठ, अञ्जन विष्ट, रवि पासवान र उत्तराद्र्धमा स्थानापन्न खेलाडीहरु भरत खवास र जर्ज प्रिन्स कार्कीले गोल गर्ने प्रयास गर्नुभएको थियो । उता बङ्गलादेश भने तेज प्रत्याक्रमणमा खतरनाक बनेको थियो । नेपालक कप्तान तथाा गोलरक्षक किरण चेम्जोङ व्यस्त बन्नुभयो ।

तीन खेलाडीको पदार्पण
बङ्गालदेशविरुद्ध शुक्रबरा खेलेर विकास खवास, एरिक विष्ट र दर्शन गुरुङले नेपालको राष्ट्रिय टिमबाट खेल्ने सपना पूरा गर्नुभएको छ । डिफेन्डर विकासले आप्mनो पदार्पण खेलमा पहिलो रोजाईमा नै खेल्नुभएको थियो । एीरकले भने खेलको ४२ औँ मिनेटमा विक्रम लामाको स्थानमा मैदानमा प्रवेश गरेर नेपालको राष्ट्रिय टिममा पदार्पण गर्नुभयो । विक्रम घाइते भएर मैदानबाट बाहिरिनुभएको थियो । एरिक पहिलो पटक राष्ट्रिय टिमको टोलीमा पर्नुभएको हो ।
यसैगरी, खेलको ६८ औँ मिनेटमा स्थानापन्न खेलाडीको रुपमा मैदान प्रवेश गरेर दर्शन पनि राष्ट्रिय टिमबाट पदार्पण गर्न सफल हुनुभयो । मिडफिल्डर दर्शन र एरिक पहिलो पटक टोलीमा पर्दा नै मैदानमा प्रवेश गर्न सफल भाग्यमानी खेलाडी हुनुहुन्छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.