अव्यवस्थित तारहरु हटाउन स्थानीयको माग - फरक सन्देश-Pharak Sandesh-फरक सन्देश

मुख्य समाचार

Friday, 2 October 2020

अव्यवस्थित तारहरु हटाउन स्थानीयको माग


धादिङ, १६ असाेज :
जथाभावी टाँगिएका तारहरुका कारण विद्युतीय दुर्घटना हुनसक्ने भन्दै धादिङका स्थानीयहरुले बजार क्षेत्रमा रहेका विजुली र टेलिफोनका तारहरु ब्यवस्थित गरिदिन सरोकारवाल निकायसँग माग गरेका छन् ।

अव्यबस्थित तारहरुको गुजुल्टाका कारण बजारसमेत कुरुप भएको र बेला बेलामा विद्युत सट भई आगोलागिका घटना हुने गरेकोले आगामी दिनहरुमा सम्भावित विद्युतीय दुर्घटना हुन नदिन उनीहरुले यस्तो माग गरेका हुन् ।

सदरमुकाम आसपासमा गाडिएका विद्युत पोल र दूरसञ्चारले टेलिफोन विस्तारका लागि गाडिएका पोलहरुमा पचास प्रतिशत तारहरु काम नै नलाग्ने भएकोले त्यस्ता तारहरु तत्काल हटाउनुपर्ने उनीहरुको माग छ ।

विजुली र ल्याण्ड लाइन टेलिफोन विस्तारका लागि गाडिएका बजार क्षेत्रको फलामे पोलसमेत जीर्ण भई धराप बनेको छ ।

खासगरी, गुजुल्टिएर रहेका तारहरु बजार क्षेत्रका ब्यस्त चोकहरुमा धेरै रहेका छन् ।
यसरी रहेका तारहरु हटाउन सकिएको खण्डमा बजारको सौन्दर्यमा समेत फरक आउने उनीहरु बताउँछन ।

दूरसञ्चार प्राधिकरणले ल्याण्डलाइन टेलिफोन विस्तारका लागि गाडिएका पोलमा र विजुलीका पोलमासमेत इन्टरनेट र केवुल लाइनका अनावश्यक तारहरु रहेका छन् ।

दूरसञ्चार प्रदायक निजी कम्पनीहरुले केही शुल्क तिरेर टेलिफोनको पोलमा आफ्नो इन्टरनेट र केवुल तारहरु टाँगे पनि विजुलीको खम्बामा भने अन्य कुनै तारहरु टाँग्न पाउने कानूनी व्यवस्था छैन ।

टेलिफोनको खम्वामा पनि ब्यवस्थित तवरले मात्र तार राख्न पाउने छ । नीलकण्ठ नगरपालिकालाई स्थानीयहरुले पटक पटक त्यस्ता तारहरु हटाउन आग्रह गर्दै आएका छन् ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.