अस्पतालहरुमा भेन्टिलेटर र आईसीयु बेड अभाव - फरक सन्देश-Pharak Sandesh-फरक सन्देश

मुख्य समाचार

Thursday, 15 October 2020

अस्पतालहरुमा भेन्टिलेटर र आईसीयु बेड अभाव


काठमाडौं, २९ असाेज :
मुलुकभर कोरोना संक्रमित विरामीको संख्या बढ्दै गइरहेको बेला अस्पतालहरुमा भेन्टिलेटर र र आईसीयु बेडको अभाव भइरहेको छ । देशभर जस्तै धादिङ जिल्लामा पनि कोरोना संक्रमितहरुको संख्या दैनिक जसो थपिदै गइरहेको छ ।

विरामी उपचारका लागि लगिने मुख्य स्थान राजधानी काठमाडौंका अस्पतालहरुमा पनि कोरोना उपचारका लागि गएका बिरामीहरुलाई अस्पतालमा शैया पाउनै मुस्किल भइरहेको छ ।
यस्तो अवस्थामा जिल्ला अस्पताल धादिङमा भने भएका उपकरण पनि सहि समयमा सदुपयोग गर्न सकेको छैन ।

भएका उपकरणहरु जडान गरी सञ्चालनमा ल्याउन नसक्दा अस्पतालमा आएका विरामीहरुलाई निकै समस्या उत्पन्न भएको छ ।

जिल्ला अस्पताल धादिङमा कोरोनाका विरमीहरुलाई आवश्यक पर्न सक्ने भन्दै प्रदेश सरकाले पठाएको भेन्टिलेटर र आईसीयुका उपकरणहरु त्यतिकै स्टोरमा नै थन्किएर बसेको महिनौं वितिसकेको छ ।

कोरोना लगाएत अन्य जटिल किसिमका विरामी उपचारका क्रममा आईसीयु र भेन्टिलेटरमा राखी उपचार गर्नु परेको खण्डमा विरामीहरुलाई अन्यत्र रिफर गर्नु पर्दा अहिलेको अवस्थामा निकै समस्या आउने गरेको छ ।

उपकरण राख्ने आवाश्यक पूर्वाधारको अभावले गर्दा उपकरण जडान गर्न नसकिएको अस्पतालले जनाइएको छ ।

यसो त दक्षजनशक्तिको समेत अभाव भएको र अक्सिजन प्लान्ट पनि नभएका कारण भेन्टिलेटर जडानमा समस्या आएको जिल्ला अस्पताल धादिङका सूचना अधिकारी विक्रिम विकले जनाकारी दिनु भएको छ ।

राख्ने ठाँउको अभावले गर्दा पाँच शैयाका लागि आईसीयु र दुई शैया भेन्टिलेटर स्टोरमा थन्किएको हो ।

भएको उपकरणहरु समेत प्रयोगमा ल्याउन नसक्दा विरामीहरुलाई चितवन पोखरा र काठमाडौंपठाउन बाध्य हुने गरेको अस्पतालले जनाएको छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.