नाराययणी नदीमा पानीको सतह खतराको सूचकभन्दा माथि - फरक सन्देश-Pharak Sandesh-फरक सन्देश

मुख्य समाचार

Thursday, 24 September 2020

नाराययणी नदीमा पानीको सतह खतराको सूचकभन्दा माथि


चितवन, ८ असाेज :
अविरल बर्षासँगै नाराययणी नदीमा पानीको सतह खतराको विन्दुभन्दा माथि पुगेको छ ।

आज बिहान ८ः२५ बजे देवघाटमा नदीको सतह ८.०४ मिटर पुगेको छ ।

त्यहाँ ८ मिटर पानीको सतहलाई खतराको सूचक मानिन्छ ।

देवघाट क्षेत्रमा रहेको जलमापन केन्द्रमा नदीको सतहले खतराको तह पार गरिसकेको छ भने नारायणगढ क्षेत्रमा सतर्कताको तह पार गर्दै खतराको तहतर्फ उन्मुख भएको जल तथा मौसम विज्ञान विभागले जनाएको छ ।

देवघाट क्षेत्रमा पानीको सतह ८.३ मिटरमा पुगेको छ। यो क्षेत्रमा ७.३ मिटरलाई सतर्कता तह र ८ मिटर पुगेमा खतराको तह मानिन्छ ।

नारायणगढको पुल्चोकस्थित नारायणी नदीको पुलमा पानीको सहत ११.३ मिटर पुगेको छ। ११ मिटरलाई सतर्कताको तह मानिएपनि अहिले खतरा तह पार गरिरहेको छ ।

नारायणी नदीका सहायक नदीको जलाधार क्षेत्रमा निरन्तर वर्षा भईरहेकाले नदीको सतह अझै बढ्न सक्ने आँकलन गरिएको छ ।

निरन्तर वर्षासँगै नदीको सतह बढेर मानव वस्तीमा क्षति पुर्‍याउन सक्ने भन्दै नदी तटीय क्षेत्रमा बसोबास गर्नेहरुलाई सतर्क रहन चितवन प्रशासनले आग्रह गरेको छ ।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.