धनकुटामा २६ दिनदेखि जारी निषेधाज्ञा हट्यो - फरक सन्देश-Pharak Sandesh-फरक सन्देश

मुख्य समाचार

Monday, 7 September 2020

धनकुटामा २६ दिनदेखि जारी निषेधाज्ञा हट्यो

धनकुटा, २२ भदौ : कोरोना संक्रमणको अवस्था स्थिर रहेपछि धनकुटामा २६ दिनदेखि जारी निषेधाज्ञा हटाउने निर्णय भएको छ ।

जिल्ला संकट व्यवस्थापन केन्द्रको सोमबार बसेको बैठकले सिमामा कडाई गर्दै आउँदो मंगलबारदेखि निषेधाज्ञा हटाउने निर्णय गरेको हो । बैठकले कोरोना भाईरसको भयाभह अवस्था रहेका जिल्लासँग जोडिएका नाकामा वाह्य आगमनलाई ठप्प पार्ने र सरकारले रोक लगाएका बाहेक व्यापार, व्यवसायलाई सुचारु गर्ने निर्णय गरेको सहाय प्रमुख जिल्ला अधिकारी भोजराज श्रेष्ठले बताउनु भयो । उहाँले प्रत्यक्षरुपमा तराईका जिल्लासँग जोडिएका ठाउँबाट आउने सवारी तथा सर्वसाधरणको आवागमनलाई ठप्प पार्ने र अन्य मापदण्डअनुसार खोल्ने निर्णय भएको जानकारी दिनुभयो ।

प्रशासनले धनकुटामा सरुवा भएर आएका २ जना प्रहरीमा साउन २८ गते संक्रमण देखिएपछि पहिलो पटक साउन २९ गतेदेखि भदौ ४ गतेसम्म धनकुटा नगरपालिकाका ६ वटा वडा निषेधाज्ञा जारी गरेको थियो । यस्तै गएको भदौ ३ गते शहीदभूमि गाउँपालिकाका स्वास्थ्यकर्मीलाई कोरोना भाइरस संक्रमण देखिएपछि भदौ ४ गतेबाट ११ गतेसम्म धनकुटा जिल्लाभर निषेधाज्ञा थप गरेको थियो । कोरोना संक्रमितको सम्पर्कमा आएकाको पहिचान गरी परीक्षण गर्ने काम भइरहेको भन्दै प्रशासनले पुन भदौ १७ गतेसम्म निषेधाज्ञा थपेको थियो ।

गत भदौ १३ गते धनकुटा एकैपटक १९ जनामा कोरोना संक्रमण तथा सोही दिन धनकुटा आएका प्रदेश १ का सामाजिक विकास मन्त्रीलाई धनकुटाबाट फर्के लगत्तै कोरोना संक्रमण पुष्टि भएपछि प्रशासनले निषेधाज्ञा भदौ २२ गते राती १२ बजेसम्म लम्ब्याएको थियो ।

विश्व स्वास्थ्य संगठनको मापदण्डका आधारमा सम्पर्कमा रहेका व्यक्तिलाई १४ दिनसम्म राख्दासमेत कुनै लक्षण देखानपरेको र पिसिआर रिपोर्टसमेत नेगेटिभ आएपछि केहि खकुलो बनाएको सहायक प्रजिअ श्रेष्ठले बताउनुभयो । निषेधाज्ञा हटे पनि सरकारले प्रतिबन्ध गरेको होटल, रेष्टुँरा, सैलुन, व्युटीपार्लर, जिमहाउस, पार्टीप्यालेस, मठमन्दिर र अन्य भेला हुने कार्यक्रम भने पुर्ववत अवस्थामै रोक लगाउने निर्णय भएको उहाँले बताउनु भयो। यसका साथै खाद्यान्न र अतिआवश्यक सवारीसाधन बाहेकका सवारीलाई जिल्ला बाहिर आउँजाउँमा रोक लगाउने निर्णय भएको छ ।

जिल्लामा हालसम्म ४० जनामा कोरोना पुष्टि भइसकेको छ । त्यसमध्ये २० जना उपचारमा छन् भने बाँकी २० जना उपचारपछि घर फर्किसकेको स्वास्थ्य कार्यालय धनकुटाका प्रमुख तुलसी गुरागाईंले जानकारी दिनुभयो।

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.