पिसीआर मेसिन खरिद गर्न सहयोग - फरक सन्देश-Pharak Sandesh-फरक सन्देश

मुख्य समाचार

Saturday, 25 July 2020

पिसीआर मेसिन खरिद गर्न सहयोग

सुरुङ्गा, १० साउन : झापाको कनकाई नगरपालिकास्थित कोटिहोममा कोरोना परीक्षणका लागि पिसीआर मेसिन खरिद गर्न जिल्ला सहकारी सङ्घ झापाले रु २५ लाख सहयोग गरेको छ । 

सङ्घले विभिन्न सहकारी संस्थामार्फत सङ्कलन गरेको रकम ‘एकका लागि एक अभियान’का सहसंयोजक विनोद बस्नेतलाई आज प्रदान गरिएको थियो । सो रकमकोे चेक जिल्ला सहकारी सङ्घका अध्यक्ष गणेश ढकाल, उपाध्यक्ष गीता कुँवर र नेपाल बहुउद्देश्यीय सहकारी संस्थाका कार्यकारी प्रमुख लक्ष्मी उप्रेतीले संयुक्तरूपमा प्रदान गर्नुभएको थियो । 

सहारा नेपाल सहकारी संस्थासहित विभिन्न २८ वटा सङ्घसंस्थाको अगुवाइमा यहाँका नागरिकस्तरबाट प्रयोगशाला स्थापना गरिएको छ । तर, औपचारिकरूपमा सञ्चालनमा भने आएको छैन । अभियानअन्तर्गत रु एक करोड ६८ लाख सङ्कलन भइसकेको र रु ४७ लाख खाद्यान्न, भिटिएम, आरडिटी किट खरिदलगायतका शीर्षकमा खर्च भएको बताइएको छ । 

कोटिहोममा स्थापना गरिएको प्रयोगशाला प्रदेश नं १ सरकारलाई हस्तान्तरण गर्ने तयारीसमेत भइरहेको अभियान संयोजक महेन्द्रकुमार गिरीले जानकारी दिनुभयो ।(रासस) 

No comments:

Post a comment

Pages

Crafted with by Eservices Nepal Pvt. Ltd. © Pharak Sandesh Pvt. Ltd.